Om Erlend

Erlend Fardal Lunde har solid erfaring som leiar etter 15 år med ulike leiarstillingar, leiarverv og styreverv. Hovuddelen av arbeidslivet har Erlend hatt i hotellbransjen. Han har mellom anna ni år som hotellsjef og hotelldirektør i Nordic Choice Hotels, frå Sogndal via Sandnessjøen i Nordland, til Bergen. Utover dette har Erlend mellom anna erfaring frå daglegvarebransjen, eigedomsbransjen og opning av eit vitensenter som dagleg leiar.

Erlend har dei siste åra etablert seg i Sogn, og brenn for utvikling av lokalsamfunnet og regionen. Med sin skaparvilje har Erlend vore gründer av ulike satsingar. Til dømes ein ny musikkfestival, eit nettverk for unge og ambisiøse, og deltek i politisk arbeid.

Erlend er brennande engasjert i leiarskap og utvikling av menneske! Han har vore etterspurt som føredragsholdar der han mellom anna nyttar si reise som «ustudert røvar», frå resepsjonist til hotelldirektør for å motivera andre.